Шоҭа Русҭавели ихьӡ зху афонд, Қырҭтәыла ахаҭабзиара ҷыда змоу аҵарадырратә ҭҵаарақәеи, иқәыҧшу аҵарауаа рҿиареи, амобилреи, аҵарадырра аӡыргареи, аҵарадырратә ҭҵарақәа рҿы жәларбжьаратәи аусеицура арҭбаареи, аинфраструктура аҿиареи иацхраауа апрограммақәа рыла, зтематика еиҧшым 30 раҟара хазхаҭалатәи аинституциатәи аҵарадырратә агранттә конкурсқәеи апрограммақәеи мҩаҧнагоит.
Зыӡбахәы ҳәоу аконкурсқәа рҭагылазаашьақәа инрықәыршәаны, Аҧсни Цхинвалтәи арегиони ирықәынхо, аҵарадырратә усура иаҿлымҳау ауааҧсыра, еиуеиҧшым атематика ахырхарҭала, Шоҭа Русҭавели ихьӡ зху амилаҭатә аҵарадырраҭҵааратә фонд апрограммақәеи аконкурсқәеи рхы рыладырхәыр рылшоит, аха, уи адагьы, Аҧсни Цхинвалтәи арегиони рыҭҵааратә проектқәа рыцхраареи жәларбжьаратәи аҵарадырратә уснагӡатәқәеи ргранттә конкурсгьы рхы аладырхәыр рылшоит, уигьы Шоҭа Русҭавели ихьӡ зху Қырҭтәыла амилаҭтә фонд анапхгарала имҩаҧысуеит.
Зыӡбахәы ҳәоу аконкурс аҿы ицәыргоу апроект, аперсонал хада истатусла, ихы алаирхәыр илшоит Аҧсны ма Цхинвалтәи арегионаҿ инхо, Қырҭтәыла атәылауаҩ/ахаҭара зыршаҳаҭуа анеитралтә агәраргага/ анеитралтә аныҟәаратә документ змоу аҵарауаҩ.
Аконкурс хықәкыс иамоуп Аҧсни Цхинвалтәи арегиони рыҭҵаара иазку аҵарадырратә ҭҵаарақәа рҿиареи, жәларбжьаратәи астандартқәа рзааигәатәреи; адырра ҿыц аҧҵареи, аидеиа ҿыцқәеи аконцепциақәеи, ахҭысқәеи, афактқәеи рыҭҵаареи анализ рзуреи; аҭҵаарақәа рылҵшәақәа аларҵәареи, еиуеиҧшым абиҧарақәеи еиуеиҧшым аҭҵааратә центрқәа рыҭҵааҩцәеи рыбжьара аҧышәа аиҭныҧсахлареи; аҭҵаара апроцесс ауниверситет аҵаратә процесс ашҟа аинтеграциеи, аҵарауаа қәыҧшцәа рҵарадырратә потенциал аизырҳареи; аинформациеи аҧышәеи аиҭныҧсахлара ала аҭыҧантәи аҵарадырратә потенциал арҕәҕәареи.
Есышықәса ирылаҳәоу аконкурси уи аҭагылазаашьақәеи ирызку инарҭбаау аинформациа шәахәаҧш - https://shorturl.at/we6aR
Horizon Europe – Ҳоризонт Европа, аҭҵаарақәеи аиновациақәеи аусхкқәа рҿы Евроеидгыла ахадаратә афинансыркратә программоуп, уи 95,5 миллиард евро абиуџьет амоуп. Ари аҧара, бжьышықәса рыҩныҵҟала, (2021-2027) агрантқәа рсахьала ирырҭоит. 2021 шықәсазы, апрограмма аҽалархәра абзоурала, Қырҭтәыла, ари апрограмма еиуеиҧшым аусхкқәеи агранттә конкурсқәеи рҽалархәра азин амоуп.
Апрограмма Horizon Europe, ганкахьала, Қырҭтәыла ауниверситетқәа алшара рнаҭоит европатәи ауниверситетқәа рҟны аҵарадырратә усеицура ашьақәыргылареи аҭҵааратә проектқәа рынагӡареи азы, егьи аганахьала, зкариера иалаго аҭҵааҩцәа (адокторантцәеи апостдокторантцәеи), аҧара ззоушьҭу апрограммақәа рәҳаақәа ирҭагӡаны еиуеиҧшым алшарақәа роуеит.
Апрограмма алахәылацәа рыцхраара азыҳәан, аус ауеит "Ҳоризонт Европа" амилаҭтә офис, уи хықәкыс иамоуп Қырҭәәылантә апликантцәа рылахәызаара адгылареи, атехникатә цхыраара рыҭареи, атематикатә тренингқәеи аконсультациақәа рзымҩаҧгареи.
